Entri di pagi buto

Salam.

Dokek pukul 4 pagi dah. tak tido lai ni. baru jo siap buat proposal. dah tak tau nak edit kek mano lagi. adeh..berpinar mato den baco proposal tu. sakit otak..ops tolobih sudah.

pueh den tahan diri den dari molayan blog ni. den nengok dashboard jo. ado komen den approve. den tak sompek nak BW dan sorang ekau semuo balik. sapo2 yang singgah kek sini tadi, den tak poi balik tu, jangan teraso lak. ceh.. bajet retis lak den. kakakakaa..

tadi punyo la somangek nak update blog. bilo dah mulo menaip ni, tak tau lak den nak cito pasal apo. aisy..yang den ni apo pasal tibo2 cakap nogori ni. rindu bona kot den kek omak den. bilo borak dalam tepon jo den bulih cakap minang. bilo maso pulak den pandai cakap minang....ai poning2.

den raso semuo eh pasal esaimen den yang melambak tu kot. padahal den cuti tak ado kelas dari selaso lagi. padan muko den buek last minit. copek golakkan den. berapo hari lopaih tau dok melepak yo. tahniah la kek diri den. orang kampung mosti banggo ngan den.

adik2, jangan niru akak yo. burok boto perangai. den mintak maap la yo kalo ado yang tak paham. poi la translate kat google translate tu. tu pun kalo ado. hehee..

ps: den harap nogori mak den ni monang bosar la malam ni. ekau bulih jang.. bagi monangih ponyu tu. emm....*sigh*. bona eh den raso nak sokong ponyu gak.  den kan dok kek ganu ni. bulih gak nak cari gadoh ngan mak den. sapo2 jo la. asal main baik2 yo ;) 

 

 Terima kasih sudi baca sampai pengsan ^___^